Грански комори во Сојуз на стопански комори

Трговската комора Македонија, Индустриската комора Македонија и Услужната комора Македонија се регистрирани во судскиот регистар во септември 2004 година, според Законот за стопански комори од 2002 година.

По основањето гранските комори се стапени во сојуз и во септември 2004 година го формираат Сојуз на стопански комори на Македонија („ССК“).

Во јули 2005 кон ССК се приклучи Агро-бизнис комората, а во декември 2005 и Комората за информатичко-комуникациска технологија и услуги („ИКТ комора“).
Како шеста комора при ССК, на 16 април 2008 година, беше формирана и Туристичко-угостителската комора („ТУК“).

Во ноември 2009 година, при ССК како седма комора беше формирана Комората на сметководители.

Градежната комора беше формирана во декември 2009 година, како осма комора при ССК.